د روسیې دوهګونی جاسوس په زندان کې مړ موندل شوی
د امریکا فدرالي پولیسو پخوانی مامور رابرټ هنسن چې په امریکا کې د روسیې تر ټولو ډېر مخرب جاسوس بلل کېدا، د ۷۹ کلونو په عمر د کولوراډو په زندان کې مړ موندل شوی دی. ددغه دوه ګوني جاسوس د موندلو لپاره ۳۰۰ امریکايي اجنټانو کار کاوه او په پای کې څرګنده شوه چې ښاغلی هنسن په روسیه کې د بانکي اکونټونو له لارې له ۱٫۴ میلیون ډالرو زیاتې نغدې پیسې او الماس ترلاسه کړي دي.
د امریکا فدرالي پولیسو پخوانی مامور رابرټ هنسن چې په امریکا کې د روسیې تر ټولو ډېر مخرب جاسوس بلل کېدا، د ۷۹ کلونو په عمر د کولوراډو په زندان کې مړ موندل شوی دی. ددغه دوه ګوني جاسوس د موندلو لپاره ۳۰۰ امریکايي اجنټانو کار کاوه او په پای کې څرګنده شوه چې ښاغلی هنسن په روسیه کې د بانکي اکونټونو له لارې له ۱٫۴ میلیون ډالرو زیاتې نغدې پیسې او الماس ترلاسه کړي دي. په ۲۰۰۲ کې، هغه د جاسوسۍ په تور په عمري بند محکوم شو. د استخباراتو پر وړاندې د هغه د رول له امله، هغه محرمو معلوماتو ته لاسرسی درلود او په ۱۹۸۵ کال کې یې د شوروي اتحاد او وروسته روسیې ته د دغو معلوماتو په لېږلو خپله جاسوسي دنده پیل کړه. هنسن په ۱۹۷۶ کې د امریکا فدرالي پولیسو لپاره کار پیل کړ او له خپلو مشرانو سره په مکاتباتو یا لیکنو کې له مستعار رامون ګارسیا نامه څخه ګټه اخیسته. د FBI د معلوماتو له مخې، هغه «د بشري سرچینو لوی شمېر، د استخباراتو ضد تخنیکونه، د امریکا حکومت لسګونه محرم اسناد او د امریکا لوړ ارزښت او مهم تخنیکي عملیات روسیې ته افشا کړي.»
