تاجکستان یو ځل‌بیا افغانستان ته څېرمه  امنیتي کمربند جوړېدوغوښتنه وکړه

د تاجکستان د بهرنیو چارو وزیر سراج الدین مهردین، د شانګهای همکارۍ سازمان په غونډه کې یو ځل بیا د افغانستان په شاوخوا کې د امنیتي کمربند د جوړولو غوښتنه وکړه.

نوموړي ومنله، چې څه موده مخکې یې د هېواد د ځواکونو او له افغانستانه د نیشه یي توکیو د اوښتو قاچاقبرو ترمنځ وسله واله نېښته شوې او یو شمېر پوځيان یې پکې وژل شوي دی.

د افغانستان په شاوخوا کې د امنیتي کمربند د جوړولو پر پلان په ۲۰۰۱ کال کې افغانستان ته د امریکايي پوځیانو تر يرغل پورې بحث شوی و. دا موضوع، تېر کال بیا د تاجیکستان  د ولسمشر امام علي رحمان له خوا د ډله ییز امنیتي تړون د سازمان په غونډه کې مطرح شوه.

د ګډ امنیتي تړون سازمان د ارمنستان، قزاقستان، قرغزستان، تاجکستان، ازبکستان او روسیې له هېوادونو جوړ دی؛ تاجکستان د شانګهای همکارۍ سازمان او د ډله ییز امنیت د تړون له مهمو غړو څخه دی.

روسیې او د یاد سازمان یو شمېر نورو هېوادونو هم د افغانستان او منځنۍ اسیا هېوادونو ګډه پوله نا امنه شوې ګڼلې، خو افغان چارواکو دا څرګندونې رد کړې دي.