بامیان کې په څه باندې یو میلیون ډالرو د «واټرشيډ» پروژې پیل شوې
د بامیان محلي مسئولان وايي چې د دغه ولایت په دوو ولسوالیو کې د څه باندې یو میلیون ډالرو په ارزښت د «واټرشیډ» یا د اوبو د خاورینو بندونو د جوړېدو پروژې پیل شوې.
د بامیان محلي مسئولان وايي چې د دغه ولایت په دوو ولسوالیو کې د څه باندې یو میلیون ډالرو په ارزښت د «واټرشیډ» یا د اوبو د خاورینو بندونو د جوړېدو پروژې پیل شوې.
یادې پروژې د بامیان سیغان او پنجاب ولسوالیو کې پیل شوي چې د «اکشنایډ» موسسې له لوري پلې کېږي.
دغه پروژې شنبه د لړم ۲۰مه د بامیان محلي مسوولانو او اړوند چارواکو لهخوا پرانېستل شوه چې څه باندې ۱۱زره کسانو ته پهکې د کار کولو زمینه برابره شوې ده.
د بامیان والي د رسنیو دفتر په یوې خبرپاڼه کې دغه ولایت کې د اکشناېډ موسسې پروژې مهمې ګڼلي او زیاته کړې یې ده، هڅه به وکړي، څو د موسسو په مرسته د اړمنو خلکو ستونزې هوارې کړي.
بلخوا د اکشنایډ موسسې ولایتي مسئول سیدروحالله موسوي دغه پروژې یې یاد ولایت کې د طبیعي پېښو کموالي او نباتاتو د ودې لپاره پیل کړې دي.
د نوموړي په وینا، دغه پروژې چې ارزښت یې څه باندې یو میلیون ډالرو ته رسېږي، مالي لګښت یې د ملګروملتونو د خوړو او کرنې سازمان له لوري ورکول کېږي.
بامیان د هېواد په مرکز کې پروت غرنی ولایت دی چې اوسېدونکي یې د وچکالي له امله اغېزمن شوې او د مرستو غوښتنه کوي.
