افغانستان
د صنعت او سوداګرۍ وزارت معين: سیاست باید پر تجارت منفي اغېز ونلري
د صنعت او سوداګرۍ وزارت معين مولوي قدرت الله جمال پرون د ايران له یو شمېر صنعتکارانو سره وکتل.
د صنعت او سوداګرۍ وزارت معين مولوي قدرت الله جمال پرون د ايران له یو شمېر صنعتکارانو سره وکتل.
باختر آژانس ته د صنعت او سوداګرۍ وزارت د معلوماتو له مخې؛ په دې کتنه کې د ایران د صنعتکارانو او سوداګرو پلاوي چې مشري یې ښاغلي ساقي کوله؛ په افغانستان کې پانګونې ته لېوالتیا وښوده او د اسلامي امارت له خوا يې رامنځته شوې اسانتیاوې غوره وبللې.
دغه راز مولوي جمال، د ګاونډي هېواد په توګه د افغانستان او ایران سوداګريزې اړیکې ارزښتمنې بللې او پر پياوړتيا يې ټينګار کړی دی.
هغه څرګنده کړې چې سیاست باید پر سوداګرۍ منفي اغېز ونلري او سوداګریزه راکړه ورکړه بايد عادي وساتل شي.
د صنعت او سوداګرۍ وزارت معين، په هېواد کې د بهرنیو سوداګرو لپاره د پانګونې له رامنځته شويو فرصتونو هم یادونه کړې ده.
