د امارتي ځمکو د وېش ، پلورنې او انتقال د ممنوعیت په هکله د عالیقدر امیرالمؤمنین «حفظه الله» فرمان

لومړۍ ماده : د امارتي (سلطاني) ځمكو وېش او پلور د اميرالمؤمنين (حفظه الله) له فرمان پرته منع دی. وزارتونه ، امارتي ادارې او ښاروالۍ نه شي کولى،چې يادې ځمکې په حقيقي او حكمي اشخاصو ووېشي يا هم وپلوري.
دویمه ماده : وزارتونو، امارتي ادارو او ښارواليوو ته د امارتي (سلطاني) ځمكو انتقال د اميرالمؤمنين (حفظه الله) له فرمان پرته منع دي، د اړتیا پر مهال د يادو ځمکو انتقال د فرمان پر اساس صورت مومي.
درېیمه ماده : دغه فرمان د توشېح له نېټې نافذ او په رسمي جريده کې دې خپور شي.