عالیقدرامیرالمؤمنين: د يوه کان د کیندلو عوايد دې د معتادینو په درملنه ولګول شي

عالیقدر اميرالمؤمنين شیخ هبت‌الله اخندزاده «حفظه‌الله» کورنيو چارو وزارت ته دنده سپارلې چې ټول معتادين راټول او تداوي کړي.

د رادیو تلویزیون رئیس مولوی  احمدالله وثیق ویلی، چې نوموړي حکم کړی څو د هېواد د يوه کان کيندلو عوايد دې د معتادينو په معالجه او د روغتون پر تجهيزاتو ولګول شي.

اسلامي امارت په وروستيو کې د کابل په لوېدیز کې له پل سوخته سیمې څخه، چې د نيشه يي توکيو سلګونه معتادین پکې وو، معتادین ټول او روغتونونو ته د درملنې لپاره یوړل.

د دوی دغه کار په پراخه کچه خلکو هرکلي سره مخ شوی.