ورزش
کرېکټ؛ مسعینک لوبډلې د نجیب الله ترکي د معلولو لوبغاړو دولسم پړاو سیالیو اتلولي وګټله
د افغانستان کرېکټ بورډ، کورني کرېکټ پرمختګ څانګې له لوري د زونونو په کچه د ارواښاد نجیب الله ترکي په نوم د معلولو لوبغاړو ۱۲م پړاو کرېکټ سیالیو اتلولي مسعینک لوبډلې وګټله.
د دې سیالیو پایلوبه د مسعینک او امو لوبډلو ترمنځ وشوه، چې مسعینک لوبډلې په لومړۍ توپوهنې سره په ټاکلیو ۲۰ اورونو کې د ۶ لوبغاړو په سوزېدو سیالې لوبډلې ته ۱۳۷ منډې هدف وټاکه.
په مقابل کې یې امو لوبډلې د ۱۸.۳ اورونو په لوبولو سره د ټولو لوبغاړو په سوزېدو ۹۹ منډې وکړې او د ټاکل شوي هدف په پوره کولو کې پاتې راغله.
په دې سره مسعینک لوبډلې د یادو سیالیو پایلوبه د ۳۷ منډو په توپیر وګټله او د دې سیالیو اتلولې یې په خپل نوم کړه.
