بغلان کې لسګونه روږدي درملنه شوي

بغلان کې ۳۰ تنه نور په نشو روږدي کسان تر ۴۵ ورځو درملنې ترلاسه کولو وروسته روغ او خپلو کورنیو ته سپارل شوي دي.
د بغلان د امنیه قومندانۍ د نشه یي توکو پر وړاندې د مبارزې مدیر ملا محمد نبي کامران باختر اطلاعاتي اژانس ته ویلي، چې دغه روږدي د پلخمري ښار له مختلفو سیمو څخه راټول شوي و او اړوندو روغتیایي کمپونو کې تر درملنې وروسته خپل عادي ژوند ته ګرځېدلي دي.
نوموړي زیاته کړې، اوس مهال په دغه ولایت کې هېڅ روږدی د سړک پر سر او یا ازاده فضا کې نه دی پاتې او ټول راټول شوي او په دوه ځانګړو کمپونو کې تر درملنې لاندې دي.