آغاز تطبیق کمپاین فرعی پولیو در 23 ولایت

تطبیق کمپاین فرعی واکسین ضد فلج اطفال (پولیو) در 23 ولایت، به روز دوشنبه آغاز گردید.
شرافت زمان، سخنگوی وزارت صحت عامه، می‌گوید که این کمپاین از پانزدهم تا هجدهم ماه ثور سال جاری، در 217 ولسوالی تطبیق می‌شود. به گفته‌ای زمان، قرار است در جریان این کمپاین به تعداد 6.4 میلیون کودک زیر پنج سال، در برابر پولیو واکسین شوند.
این در حالی‌است که چند روز پیش، نخستین واقعه مثبت پولیو در سال جاری، در ولایت ننگرهار به‌ثبت رسید.
افغانستان و پاکستان دو کشوری در جهان استند که تاکنون موفق به محو کامل پولیو نشده‌اند.