د کونړ ځايي چارواکي وايي چې د کونړ ولايت د ماڼوګي ولسوالۍ په بار کنډۍ سيمه کې د دېوال غورځېدو له امله ۲۶ کسان ټپیان شوي دي. د یاد ولایت د امنیې قوماندانۍ مطبوعاتي دفتر د باختر آژانس سیمه ییز خبریال ته ویلي، چې ياده پيښه پرون لس بجې هغه مهال رامنځته شوې،چې کلیوال د یوې جنازې په ویر راټول او ناڅاپه پرې د یوه کور دیوال راوغورځېد. د اسعد اباد د مرکزي روغتون رئیس ډاکتر مولاداد وايي ۱۵ ټپیان روغتون ته وروړل شوي دي. هېره دې نه وي چې د وروستیو سختو ورښتونو او سېلابونو له امله هېوادوالو ته ګڼ شمېر مالي او ځاني زیانونه اوښتې دي.
