میدان وردګ ولایت کې د ۳۰ میلیونه افغانیو په ارزښت د پنځه ذخیروي بندونو د جوړولو چارې پيل شوې

د میدان وردګ ولایت په نرخ،چک، سیدآباد، جغتو او جلریز ولسوالیو کې د ۳۰ میلیونه افغانیو په ارزښت د پنځه ذخیروي بندونو د جوړولو چارې د میدان وردګ والی قاری بختیار معاذ، د کابل سیندیزې حوزې عمومي رئيس محترم انجنیر حبیب الرحمن حقپال، د میدان ښار سیندیزې فرعي حوزې رئيس محترم مولوي عبدالصمد حلیم او د یو شمېر نورو سیمه ییزو مسؤلینو په شتون کې پیل شوې.  دغه ذخیروي بندونه د ځمکې لاندې اوبو د تغذیې په موخه جوړېږي او په جوړېدو سره به یې ۲۲ زره متره مکعب اوبه ذخیره شي.

د دغو پروژو چارې د افغانستان د اسلامی امارت په مالي لګښت د میدان وردګ ولایت په نوموړو ولسوالیو کې پلي کېږي.