یک فابریکه داخلی بیش از ۶۰ ماشین آلات زراعتی به خارج صادر کرده است

یک فابریکه داخلی به اسم «جاوید افغان» در ولایت ننگرهار بیش از ۶۰ ماشین آلات زراعتی را به کشورهای آسیای میانه صادر کرده که شامل شانزده پایه تریشر نیز می‌شود.
مسوولان این شرکت می‌گویند که در سومین دور از صادرات شان ۶۷ پایه ماشین آلات زراعتی که شامل تریشر گندم و جواری می‌شود را به کشور تاجیکستان صادر کرده‌اند.
تورملنگ، رییس شرکت تولید کننده ماشین آلات زراعتی می‌گوید: «فابریکه جاوید افغان توانست که ۱۶ تریشر به کشور تاجیکستان صادر کند و امید است که در هفته جاری به ازبیکستان نیز صادرات داشته باشیم.»
آقای ملنگ همچنان از امارت اسلامی خواستار همکاری برای توسعه تولیدات داخلی شده تا آنان بتوانند به کشورهای دیگر نیز صادرات داشته باشند.
به گفته مسوولان در این فابریکه، در این شرکت ده‌ها تن نیز سرگرم کار هستند.
شهروندان می‌خواهند برای سرمایه‌گذاری و همچنان توسعه تولیدات داخلی کشور تلاش بیشتر صورت گیرد تا افغانستان از وضعیت بد اقتصادی نجات یابد.