سرپرست وزارت معارف: ما متعهد به بازسازی مکاتب و مدارس دینی در کشور هستیم

مولوی حبیب‌الله آغا سرپرست وزارت معارفَ، با هیئتی از بزرگان قومی ولایت پکتیا، دیدار نمود.

در این دیدار، هیأت قومی پکتیا با سرپرست وزارت معارف، در پیوند به وضعیت معارف، رسمی شدن مدارس دینی، بازسازی تعمیرهای مکاتب برای شاگردان و موضوعات مرتبط به تعلیم‌وتربیه بحث و گفت‌وگو نمودند.

هم‌چنان هیأت یادشده، از سرپرست وزارت معارف دعودت نمودند، تا جهت بررسی وضعیت تعلیم‌و‌تربیه به آن ولایت تشريف آورند.

سرپرست وزارت

معارف ضمن ابراز خرسندی از این دیدار افزود، بازسازی مکاتب، تقویت سیستم آموزشی و ایجاد مدارس دینی در سراسر کشور در اولویت برنامه‌های این وزارت قرار دارد، البته رهبری وزارت معارف در تطبیق آن خویش را متعهد می‌داند.

موصوف هم‌چنان افزود؛ وزارت معارف تلاش می‌کند در حد امکانات دست داشته به مشکلات تعلیم‌وتربیه ولایت پکتیا توجه نماید و در وقت معین به آن‌ها رسیدگی نماید.