د مسلکي پولیسو شمېر څه باندې ۲۰۰ زره کسانو ته رسېدلی
کورنیو چارو وزارت وايي، چې د ښځینه پولیسو او د هېواد بېلا بېلو قشرونو په ګډون اوسمهال څه باندې ۲۰۰ زره مسلکي پولیس د دې وزارت په چوکاټ کې دنده اجرا کوي.
کورنیو چارو وزارت وايي، چې د ښځینه پولیسو او د هېواد بېلا بېلو قشرونو په ګډون اوسمهال څه باندې ۲۰۰ زره مسلکي پولیس د دې وزارت په چوکاټ کې دنده اجرا کوي.
د کورنیو چارو وزارت رئیس ارکان مولوي عبدالرحیم احمد له ملي تلویزیون سره په ځانګړې مرکه کې ویلي، چې د ملي پولیسو شمېر له ۲۰۰ زره اوښتی او حالاتو ته په کتو یې ښايي تشکیل کم او زیات شي.
نوموړي زیاته کړې، چې د هېواد په کچه ۹۰ سلنه پولیسو ته یونیفورم ورکړل شوی او دا لړۍ لا هم روانه ده.
مولوی احمد ټینګار کوي، چې افغانستان امن دی او د سیمې او ګاونډ هېوادونو ته ډاډ ورکوي، چې له دې خاورې به هېچاته هېڅ ډول ګواښ پېښ نهشي.
نوموړي په ټینګار سره ویلي؛ افغانستان کې هېڅ داسې ډلې شتون نه لري، چې د چا امنیت ته ګواښ او خطر شي.
د کورنیو چارو وزارت رئیس ارکان په هېواد کې د جرمونو د کچې ټیټوالی، د نشهيي توکو د کښت او قاچاق مخنیوی، په نشهيي توکو د روږدو
درملنه او په هېواد کې سراسري امنیت هغه لاسته راوړنې ګڼي، چې په څه باندې دوو کلونو کې یې ترلاسه کړې دي.
