په کابل کې د ۱۸کلبونو ورزشکارانو ترمنځ د سوک وهنې سیالۍ پیل شوې

په کابل کې د بدني روزنې او ورزش عمومي ریاست د سوک وهنې ملي فدراسیون په تمریناتي ځای کې د مرحوم رغبت په نوم د سوک وهنې سیالۍ پيل شوې.

په دغو سیالیو کې د کابل ښار د ۱۸ کلبونو د ۱۷ او ۱۸کلنو ۶۵ ورزشکاران برخه لري، ‏چې درې ورځې به سره سیالۍ وکړي.

دغه سیالۍ د سوک وهنې ملي فدراسیون د پخواني غړي مرحوم رغبت د یادونې او د ورزشکارانو ترمنځ د سالم رقابت د رامنځته کولو په موخه ترتیب شوې دي.