په هند کې د کرنیزو محصولاتو کموالی ولې یو نړیوال ګواښ بلل کېږي؟
د اقلیمي بدلونونو له امله په هندوستان کې د کرنیزو محصولاتو تولید لږ شوی چې ورسره په دغه هېواد کې یوازې په اګست میاشت کې د ځینو خوراکي توکو بیې ۱۱ سلنه لوړې شوې دي.
د اقلیمي بدلونونو له امله په هندوستان کې د کرنیزو محصولاتو تولید لږ شوی چې ورسره په دغه هېواد کې یوازې په اګست میاشت کې د ځینو خوراکي توکو بیې ۱۱ سلنه لوړې شوې دي.
په داسې حال کې چې هلته د رومیانو بيه په دوبي کې یو څه ښه شوې وه خو د پیازو، دالونو، وریجو او ځینو نورو خوراکي توکو بیې لوړې شوې دي.
اوس اندېښنه دا ده چې که په هندوستان کې کرنیز محصولات کم شي او پر صادراتو محدویتونه او بندیز ولګول شي ښايي په نورو هېوادونو کې هم د خوراکي توکو بیې پاموړ ورسره لوړې شي.
ویل شوي چې د اګست میاشت له تېرې یوې پیړۍ راهیسې تر ټولو وچه وه او یوازې په همدې میاشت کې د ځینو ډېرو کاریدونکو خوراکي توکو بیې تر ۱۱ سلنې لوړې شوې دي.
هندوستان په نړۍ کې د سبزیجاتو او نورو خوراکي توکو یو لوی صادرونکي هېواد ګڼل کېږي، خو اقلیمي بدلونونه د دې لامل شوي چې په دې هېواد کې کرنیز محصولات کم شي چې ورسره د ځینو خوراکي توکو بیې پام وړ لوړې شوې دي.
