د سوداګرۍ او صنایعو د پرمختګ په اړه د عالیقدر امیرالمؤمنین حفظه الله فرمان

(۱) وزارتونه او اړوندې امارتي ادارې مکلفې دي، چې د هېواد د سوداګریزو او اقتصادي مصالحو په پام کي نیولو سره، په بندرونو، عبوري نقطو او لویو لارو کي د سوداګرۍ لپاره لازمې اسانتیاوي برابرې کړي.

(۲) مرکز او ولایتونو کي د وزارتونو او امارتي ادارو مسئولین او کارمندان مکلف دي، چې د هېواد له نافذو تقنیني سندونو سره سم د خصوصي سکتور له فعالانو سره ښه چلند وکړي او په اړوندو اجراآتو کي له تعلل او ځنډ څخه مخنیوی وکړي.

(۳) وزارتونه او امارتي ادارې مکلفې دي، چې د هېواد د داخلي صنایعو د ودې او ځان بسیایني په منظور د امکان تر بریده د هېواد له کورنیو تولیداتو څخه ګټه واخلي.

امیرالمؤمنین شیخ القرآن والحدیث  مولوي هبة الله اخندزاده حفظه الله

۱۴۴۵/۲/۶ هـ ق

۱۴۰۲/۵/۳۱ هـ ش 2023/8/22 م