وزارت امور مهاجرین و عودت‌کنندگان: برای بازگشت مهاجران افغان از پاکستان آمادگی کامل داریم

وزارت امور مهاجرین و عودت‌کنندگان می‌گوید، آمادگی کامل به موج دوم اخراج مهاجران افغان از پاکستان را داریم.

عبدالمطلب حقانی، سخن‌گوی این وزارت گفته است؛ امارت اسلامی از حکومت پاکستان آمار تمام مهاجران افغان را خواسته که براساس آن برای آن‌ها خدمات را در داخل کشور ارایه نماید.

از سوی‌هم شماری از آگاهان مسایل سیاسی می‌گویند، روند اخراج اجباری مهاجران افغان از پاکستان اقدامی خلاف تمام قوانین بین‌المللی می‌باشد که مقامات پاکستانی برای منافع سیاسی شان این اقدام را انجام می‌دهند.

گفتنی است که در ماه نوامبر سال گذشته میلادی حکومت مؤقت پاکستام روند نخست اخراج اجباری مهاجران افغان را آغاز کرده بود و گفته می‌شود که از آن زمان تاکنون بیش از نیم میلیون افغان به کشور برگشت داده شده‌اند.