دغه وزارت پرون د یوې خبرتیا په خپرولو سره لیکلي دي: «د ګمرکونـو لـوی ریاسـت پـه وړانديز، د تعرفې کمېټې د پرېکړې او د ماليې وزارت د رهبرۍ په منظـورۍ؛ په هېواد کې د صنعت د ملاتړ او پراختیا، صنعتکارانـو تـه د آسانتیا رامنځتـه کولو او د ګمرکي پړاوونو د اسانه کولو په موخه؛ د حمايـوي تعرفې په برخـه كـې لاندې پرېکړې شوې دي:
۱. پخـوا د صنعتـي فابريکـو د واردوونـکـو خـامـو تـوکـو نوعیـت تـه پـه کـتـو، له (٪۱) څـخـه تر (٪۲.۵) پورې ګمرکي تعرفه اخيستل کېـده؛ خو د نوې پرېکړې لـه مخې بـه لـه دې وروسته، د صنعتي فابريكو اړوند ټولو او هـر ډول خامـو واردوونکو توکو څـخـه يـوازې (٪۱) ګمرکي تعرفه اخيستل کېږي.
۲. د صنعتي فابريکـو د حمايـوي تعرفـې زمـانـي میعـاد چې پخوا يـوه ربـع (درې مياشتـې) او يـا هـم دوه ربعـې وو؛ يـو کال ته زيات شو.
۳. د افغانستان اسلامي امارت له بيـا واکمنېدو څخه تـر اوسـه پـورې د صنعتـي فابريکـو د حمايـوي تعرفـې پـه برخه کې ټولې پخوانۍ ګمرکي باقیدارۍ معاف شوې.»
د یادونې وړ ده چې د افغانستان اسلامي امارت په بیا راتګ سره، په هېواد کې سراسري امنیت تامین شوی، فساد له منځه تللی او په بېلابېلو برخو په ځانګړې توګه د صنعت او سوداګرۍ په برخه کې زیاتې آسانتیاوې برابرې شوې دي.
