جهان
[ستروژن سپوږمۍ] د نړۍ په لروبر کې بشپړه وليدل شوه
د نړۍ لروبر د ستورو او سپوږمۍ مینوال د سه شنبې پر شپه د معمولاً پر خلاف د یوې بشپړې او ډېرې روښانه سپوږمۍ د نندارې شاهدان وو.
د نړۍ لروبر د ستورو او سپوږمۍ مینوال د سه شنبې پر شپه د معمولاً پر خلاف د یوې بشپړې او ډېرې روښانه سپوږمۍ د نندارې شاهدان وو. د دې میاشتې بشپړې سپوږمۍ ته ستروژن سپوږمۍ وايي. د کال د دغه فصل سپوږمۍ معمولاً له لمر پریواته ډېر ژر راپورته کېږي او اسمان روښانه کوي. د یادونې ده چې د روانې اګست میاشتې پر ۳۰مه به دویم ځل هم د یوې بشپړې سپوږمۍ د کتلو شاهدان واوسو چې هغه ابي یا اسماني سپوږمۍ بولي. اوسنۍ بشپړې سپوږمۍ ته [ستروژن سپوږمۍ] ځکه وايي چې د کال په دغو ورځو شپو کې د شمالي امریکا سیندونو کې د ‹ستروژن› په نوم کبان ډېر زیات وي.
