د «مجاهدينو لپاره د حج د سهمیه د وېش کمېټې» جوړه شوه

د «مجاهدينو لپاره د حج د سهمیه د وېش کمېټې» د نيمروز ولايت د ارشاد، حج او اوقافو رييس، مولوي فضل‌الرحمن «مستغفر» په مشرۍ په داسې حال کې چې د همدې ولايت مرستيال الحاج ملامحمد نبي «عثماني» او د ولايتي علماو شورا غړۍ، شيخ محمد رسول «ديوبندي» د يادې سوې کميټې غړي په حضور کې، جوړه او د دې کمیټې لومړۍ غونډه وشوه.
د «مجاهدينو د حج د سهميې د کمېټې» رئيس، مولوي فضل الرحمن «مستغفر» وايي، چې ياده کمېټه د حج او اوقافو وزارت د لارښوونې پر اساس هغه مجاهدین چې غواړي د فرضي حج لپاره نوم لیکنه وکړي دوى د غوښتنو او اسنادو د څېړلو په موخه جوړه شوی ده.
د مجاهدينو د حج د سهميه د وېش د کميټې رييس له ټولو هغو مجاهدينو څخه چې د حج د فريضې ادا کولو اراده ولري، وغوښتل چې خپل اسناد دهمدې کميټې ته وسپاري.