د کار او ټولنیزو چارو وزارت ویاند: د روان کال له پیله تر اوسه ۱۱۰ زره د کار جوازونه وېشل شوي
د کار او ټولنیزو چار وزارت ویاند سمیعالله ابراهیمي له ملي تلویزیون سره په ځانګړې مرکه کې ویلي، چې د روان کال له پیله یې تراوسه پر دولتي او خصوصي بنسټونو ۱۱۰ زره د کار جوازونه وېشلي دي.
د کار او ټولنیزو چار وزارت ویاند سمیعالله ابراهیمي له ملي تلویزیون سره په ځانګړې مرکه کې ویلي، چې د روان کال له پیله یې تراوسه پر دولتي او خصوصي بنسټونو ۱۱۰ زره د کار جوازونه وېشلي دي.
نوموړي زیاته کړې؛ د دې کال په جریان کې له ملي او نړیوالو بنسټونو سره د څه باندې څلور میلیارده افغانیو په ارزښت د همکارۍ تړونونه لاسلیک شوي، چې موخه یې د بېسرپرسته ماشومانو ملاتړ، د بېوزلو لاسنیوی او د ځوانانو لپاره د زدهکړو زمینې برابرول وو.
د کار او ټولنیزو چارو وزارت ویاند همدارنګه د شل زره ځوانانو لپاره د فن او حرفې زده کړې زمینې برابرول، د ماشومانو قضیو ته رسیدنه، د مرستې ترلاسه کولو په موخه د ۳۵ زره راستانه شویو کډوالو ثبت او ډیتابیس کول او هغوی ته د کاري زمینې برابرول او د کانونو په استخراج کې د سلګونه ځوانانو جذبول د روان څه کم یوه کال په جریان کې د دې وزارت له مهمو لاسته راوړنو بللې دي.
