میدان‌وردګ کې ۳۳ زره کسانو ته د کار زمینه برابره شوه

د میدان وردګ ولایت د اقتصاد ریاست سیمه ییز چارواکي وايي، په دغه ولایت کې ۲۴ مرستندویه بنسټونه فعالیت کوي، چې ۳۳ زره کسانو ته یې د کار زمینه برابره کړې ده. د میدان وردګ ولایت د اقتصاد رئیس مولوی عبدالحکیم حمید وویل: په میدان وردګ ولایت کې د اقتصاد ریاست تر چتر لاندې ۲۴ غیردولتي موسسې فعالیت کوي، چې ۳۳ زره کسانو ته یې د کار زمینه برابره کړې ده.

ښاغلي حمید له مرستندویه بنسټونو وغوښتل

چې د کارکوونکو معاشونه د بانکي سیستم له لارې ورکړي او دغه راز خپل شپږ میاشتنی او کلن پلانی له دغه ریاست سره شریک کړي.

دا په داسې حال کې ده، چې د هېواد په بېلابېلو برخو کې کورنۍ او بهرنۍ مرستندويه موسسې فعاليت کوي؛ له همدې امله په زرګونو تنو ته د کار زمینه برابره شوې ده.