د کابل ګل درې ولسوالۍ لپاره نوې درې پوړیزه ودانۍ جوړیږي
د کورنیو چارو وزارت تامیناتي مرستیال او کابل والي ګل درې ولسوالۍ ته د سفر په ترڅ کې د دې ولسوالۍ د اداري وادنۍ بنسټ ډبره ایښې.
د کورنیو چارو وزارت تامیناتي مرستیال او کابل والي ګل درې ولسوالۍ ته د سفر په ترڅ کې د دې ولسوالۍ د اداري وادنۍ بنسټ ډبره ایښې.
کابل والي شیخ محمد قاسم خالد ویلي؛ له نیکه مرغه نن د اسلامي نظام تر چتر لاندې د یوې بلې حیاتي پروژې په پرانیست غونډه سره راټول شوي یو.
کابل والي زیاته کړې؛ چې افغان ولسونو په ۲۰ کلن انقلاب کې زیاتې قربانۍ ورکړي او تکلیفونه یې ګاللي دي اوس چې هېواد کې سپېڅلی اسلامي نظام حاکم شوی، اسلامي امارت ته پکار ده، چې د ولسونو ملاتړ، اړتیاوو ته یې رسېدنه او ښه خدمات ورته وړاندې کړي.
شیخ محمد قاسم خالد ویلي؛ موږ اوس د جهاد یوې بلې برخې کې یو، چې دا د هېواد جوړولو مرحله ده او هڅه کوو، چې په دې مرحله کې هم بریالي شو.
ښاغلي خالد دغه راز زیاته کړې؛ چې اسلامي امارت د هېواد په سطحه زیاتې لاسته راوړنې لري او هڅه کوي، چې افغانستان په خپلو پښو ودروې او پرمختګ ورکړي او د دوی سرمایه د هېواد په ابادۍ او بیا رغونه ولګوي.
د کورنیو چارو وزارت تامیناتي مرستیال ویلي؛ اسلامي نظام د الله (ج) راکړه او یو الهي نعمت دی او دا د شکر ځای دی، چې افغانان یو خپلواک او د دوی خدمت ته ژمن نظام لري.
مولوي عبدالله مختار زیاته کړې، اوس مهال په هېواد کې زیاتې پروژې د پلي کېدو په حال کې دي او دا د ولس لپاره یو زیری دی.
