افغانستان
د اسلامي امارت رئيس الوزرا بېرته پلازمېنې کابل ته راستون شو
د افغانستان اسلامي امارت رئیس الوزرا ملا محمد حسن اخند پرون له غرمې مخکې له کندهار څخه پلازمېنې کابل ته راستون شو.
د افغانستان اسلامي امارت رئیس الوزرا ملا محمد حسن اخند پرون له غرمې مخکې له کندهار څخه پلازمېنې کابل ته راستون شو.
نوموړي په کندهار کې له استراحت او درملنې وروسته پرون دوشنبه د عالیقدر امیرالمومنین حفظه الله له لارښوونې سره سم بېرته د هېواد پلازمېنې کابل ته راستون شو او د کابل په هوایي ډګر کې یې د ریاست الوزرا عالي مقام دفتر لوی ریاست او یو شمېر لوړ پوړو چارواکو له لوري هرکلی وشو.
ملا محمد حسن اخند به ارګ ته له رسېدو سره سم د ریاست الوزرا عالي مقام په توګه د مملکت د چارو د لا ښه تنظیم او مدیریت په موخه خپلو وظایفو ته دوام ورکوي.
د یادونې وړ ده، چې رئيس الوزرا څه موده وړاندې د ناروغۍ له کبله کندهار ته تللی وو او د ریاست الوزرا مقام چارې د یاد رياست د سیاسي مرستیال مولوي عبدالکبیر له لوري پرمخ بېول کېدې.
