یونیسف: د هلمند ۶۰ جګړه ځپلي ښوونځي رغوو

په هلمند کې د ملګرو ملتونو اړوند يونېسف ادارې د جګړې پر مهال د زيانمن شويو ښوونځيو د ترميمولو چارې پيل کړي دي.
سرچینې د یاد شوي ښوونځي د ترمیم لګښت او نور جزئیات نه دي په ډاګه کړي. د يونېسف مسوولين وايي، پلان لري چې په دې ولايت کې ۶۰ ښوونځي ترميم او بېرته فعاله کړي. هلمند، د جګړو له امله سخت وځپل شو، چې د نورو برخو تر څنګ یې زیات ښوونځي هم ویجاړ او خلک له زده کړو محروم پاتې شول. په وروستیو کې اسلامی امارت د یو شمېر دغو ښوونځیو د بیرته پرانیستلو خبر ورکړی.