د ملي دفاع وزارت ۱۸ زغره وال ټانکونه ترميم شول

د ملي دفاع وزارت اړوند د ۲۰۵ البدر قول اردو په ۳مه لوا کې ۱۸ زغره وال ټانګونه ترمیم شول.

ياد وزارت په خپله ټويټر پاڼه ليکلي دي، چې (د ۲۰۵ البدر قول اردو د دریمې لوا ابوُدجانه د تخنيکي ټيم د نه ستړي کېدونکو هلو ځلو په پایله کې ۱۸ زغروال ټانګونه چې د فتحو په جریان کې ویجاړ شوي وو، په بریالیتوب سره ترمیم او ګټې اخیستنې ته چمتو شول.)

‏سرچينې زياته کړې، چې دغه ټانکونه په اساسي ډول ترمیم شوي او د اړتیا په صورت کې به ترې ګټه واخیستل شي.

د يادونې وړ ده، چې د ملي دفاع وزارت تر دې وړاندې هم سلګونه پوځي وسايط ترميم او ګټې اخيستنې ته چمتو کړي وو.