نورستان کې د سیمې هېوادونو په کچه له یوه غره څخه تر بل غره زانګو جوړېږي

د نورستان سیمه ییز مسوولين وایي، چې په دغه ولایت کې د یوه خصوصي شرکت له لوري له یوه غره څخه تر بل غره زانګو جوړېږي.
د مسوولينو په وینا، دغه زانګو ١٠٠٠ متره لوړوالی او ١۵٠٠ متره اوږدوالی لري، چې اوسمهال يې د سروې چارې روانې دي.
د مسوولينو په خبره، دغه زانګو سیلانيانو ته د سياحتي سيمو د ليدلو او توجه جلبولو لپاره له يوه غره څخه تر بل غره جوړېږي، چې د سیمې هېوادونو په کچه به تر ټولو اوږده او لوړه زانګو وي.